​​​​​Bûm yn aelod o’r tîm ers 2013. Fel Darllenydd mewn Ymddygiad Diogelwch​ Bwyd ​​yng Nghanolfan Diwydiant Bwyd ZERO2FIVE, rwy’n ymwneud yn fawr ag ymchwil diogelwch bwyd mewn perthynas â thri maes allweddol: diogelwch bwyd defnyddwyr mewn lleoliadau domestig; diwylliant diogelwch bwyd yn y diwydiant gweithgynhyrchu bwyd a’r sector gwasanaeth bwyd; ac addysg a chyfathrebu diogelwch bwyd mewn lleoliadau gofal iechyd.

Mae’r berthynas rhwng pobl a bwyd yn fy nghyfareddu. Mae gennyf ddiddordeb arbennig mewn dylanwad gwybodaeth ddynol a chanfyddiadau ar ymddygiad, a’r effaith ddilynol ar ddiogelwch bwyd; mae’r diddordeb hwn yn ymestyn o’r rhai sy’n trin bwyd yn y sector bwyd i’r defnyddwyr yn yr amgylchedd domestig.

Rwy’n cynnal agweddau amrywiol ar ymchwil diogelwch bwyd o ddadansoddi microbiolegol, datblygiad a gwerthusiad strategaethau ymyrryd mewn addysg diogelwch bwyd, i asesu cydymffurfiaeth diogelwch bwyd yn y diwydiant bwyd gan ddefnyddio dulliau arsylwi cudd, ac arsylwi ar arferion diogelwch bwyd yn y gegin ddomestig enghreifftiol arloesol yn y Ganolfan Diwydiant Bwyd.

Rwy’n ymwneud â threfnu cynadleddau ymchwil, yn cyfrannu at deledu a radio, ac rydw i ar fwrdd golygu dau gyfnodolyn diogelwch bwyd rhyngwladol.