Mae'r grŵp Ymchwil ac Arloesi Datblygu Corfforol Ieuenctid (YPD) yn gweithredu yn y Ganolfan Gwyddor Chwaraeon Gymhwysol a Meddygaeth (CASSM). Gan ddod ag ymchwilwyr ac ymarferwyr ynghyd sy’n rhannu diddordeb mewn datblygiad ieuenctid, mae'r grŵp yn canolbwyntio ar wella perfformiad, atal anafiadau, a hyrwyddo gweithgarwch corfforol a llesiant mewn plant a phobl ifanc. Gyda hanes cryf o ymchwil wyddonol o’r radd flaenaf, mae'r Grŵp YPD yn chwarae rhan ganolog wrth lunio arferion gorau ar gyfer datblygiad athletaidd hirdymor. Mae'r ymchwil a gynhyrchwyd gan y grŵp yn llywio strategaethau hyfforddi a methodolegau hyfforddi yn uniongyrchol, gan sicrhau dulliau datblygu ieuenctid sy'n seiliedig ar dystiolaeth. Gan gydweithio'n agos â sefydliadau chwaraeon a Chyrff Llywodraethu Cenedlaethol, mae'r grŵp yn darparu addysg i hyfforddwyr dan arweiniad arbenigwyr gan ddarparu rhaglenni cryfder a chyflyru sy'n seiliedig ar ymchwil - yn y Brifysgol ac mewn lleoliadau allanol.