Cenhadaeth yr Hwb ar gyfer Ymchwil Seiliedig ar Dystiolaeth mewn Troseddeg a Phlismona yw gwasanaethu fel canolfan genedlaethol a rhyngwladol ar gyfer ymchwil sy'n seiliedig ar dystiolaeth, a’i rhannu ynghyd â’i heffaith, ym meysydd Troseddeg a Phlismona. Gyda chysylltiadau rhyngddisgyblaethol cryf â phynciau a sefydliadau eraill, rydyn ni’n ymroddedig i hyrwyddo gwybodaeth a meithrin cydweithredu i wella ein hamgylchedd ymchwil, a gwella dwysedd, cyrhaeddiad ac effaith ein hallbynnau ymchwil ac arloesi.

Mae'r grŵp yn canolbwyntio ar gynhyrchu ymchwil ag effaith sylweddol, sy’n seiliedig ar dystiolaeth ac wedi'i gwreiddio'n ddwfn mewn plismona a throseddeg. Drwy ddefnyddio ein rhwydwaith helaeth o bartneriaid llywodraeth, cymunedol ac academaidd, rydyn ni’n cefnogi’r gwaith o gyflwyno ymchwil ystyrlon, gwerthusiadau ac astudiaethau sy'n canolbwyntio ar effaith. Mae'r grŵp yn ymrwymedig i feithrin diwylliant ymchwil cefnogol. Rydyn ni’n gweithio gyda'n staff i adeiladu gyrfaoedd ymchwil a gwella allbwn ein tîm troseddeg a phlismona sy'n tyfu.