Mae ymchwilwyr CREWCOM yn ymwneud ag ymchwilio i'r ffyrdd y gellir harneisio Ysgrifennu Creadigol i wella iechyd a lles cymunedau a phoblogaethau gwahanol. Bydd gan ymchwilwyr Ysgrifennu Creadigol yn y grŵp hwn brofiad neu ddiddordeb mewn gweithio mewn lleoliadau amrywiol fel ysgolion, carchardai, ysbytai, clinigau, cartrefi gofal, amgylcheddau therapiwtig, gan syntheseiddio theori ac ymarfer i wella bywydau cyfranogwyr. Mae ein hymchwilwyr hefyd yn gwerthuso ysgrifennu creadigol ac ymyriadau celfyddydol ac yn gwneud argymhellion ar bolisi ac ymarfer lleol, cenedlaethol a rhyngwladol mewn fforymau Celfyddydau ac Iechyd ehangach.

Yr hyn sy’n sail i waith ymchwil CREWCOM yw:

• Nodau Deddf Llesiant Cenedlaethau'r Dyfodol ar gyfer 'Cymru o Gymunedau Cydlynol’ a 'Chymru Iachach'.
• Strategaeth Prifysgol Metropolitan Caerdydd i 'ddatblygu ei henw da drwy arallgyfeirio incwm, cynnal cyfaint, a chanolbwyntio ar ddatblygu a chefnogi staff yn y tymor hir, gan gynnwys ffocws ar gynyddu ansawdd yr allbwn ymchwil, gwerth ac effaith ymchwil ac arloesi yn systematig drwy'r Academïau Byd-eang.
• Nod Strategaeth Ymchwil CSESP yw: (i) Tyfu swm yr incwm ymchwil ac arloesi wrth gynnal y cyfraniad canrannol sydd wedi'i dargedu; (ii) Sicrhau bod gennym y strwythurau a'r prosesau perthnasol ar waith i wneud y gorau o'r holl gyfleoedd ymchwil ac arloesi.

Ein nod yw cyfuno rhagoriaeth ymchwil o Brifysgol Metropolitan Caerdydd gydag arbenigedd arloesi gan bartneriaid allanol i greu newid cadarnhaol effeithiol drwy ddefnyddio Ysgrifennu Creadigol.