Nod grŵp ymchwil Pontio Trawsnewidiadau Addysgol Gydol Oes yw datblygu cynrychiolaeth gydlynus a throsolwg torfol o wahanol ddulliau a safbwyntiau ar bontio addysgol. Mae ein prif bwyslais ar ddatblygu arbenigedd trawsddisgyblaethol i edrych ar yr effaith y gall pontio mewn addysg ei gael ar blant, pobl ifanc, ac oedolion, yn enwedig mewn meysydd nad ydynt wedi'u hastudio'n ddigonol hyd yma, megis plant a phobl ifanc sy’n agored i niwed ac o dan anfantais.

Mae’r prif amcanion yn cynnwys datblygu a sefydlu rhwydweithiau cydweithredol yng Nghymru a thu hwnt, wrth ymchwilio i agweddau ar bontio addysgol a fydd yn sail i arferion gorau ac yn gwella dealltwriaeth o’r broses bontio mewn addysg o safbwynt cyfannol.

 
Rydym yn cefnogi cydweithwyr sydd â diddordeb mewn deall trawsnewidiadau addysgol yn well a chymhwyso’r wybodaeth hon i’w meysydd astudio ac ymchwiliadau eu hunain. Mae’r grŵp yn cynnal cyfarfodydd, seminarau a gweithdai rheolaidd.