Yn ganolog i’r uchelgais a rennir o Gymru wrth-hiliol erbyn 2030, mae cangen ymchwil DARPL wedi ymrwymo i gynnal ymchwil effeithiol sy'n canolbwyntio ar gydraddoldeb hiliol o'r blynyddoedd cynnar i'r ysgol. Rydyn ni’n pwysleisio’r angen i archwilio a herio anghydraddoldebau hiliol yn addysg Cymru a thu hwnt, yn ogystal â'r strwythurau a'r diwylliannau sy'n cefnogi hyn. Mae ein gweithgareddau ymchwil parhaus yn adlewyrchu hyn mewn amrywiaeth o ffyrdd. Yn bennaf, mae'r ymchwil y mae DARPL yn ei gwneud yn cael ei llywio gan Gynllun Gweithredu Gwrth-Hiliol Cymru Llywodraeth Cymru (ARWAP, 2022) ac anghenion datblygol y blynyddoedd cynnar, ysgolion, arweinwyr ysgolion ac athrawon, i fodloni gofynion yr agenda bolisi newydd hon. Mae ein gwaith yn cael effaith uniongyrchol ar ddiwygio polisi. Mae dau ffocws yn sail i ffrydiau gwaith cyfredol DARPL: (1) Cychwyn meysydd ymchwil newydd sy'n manylu ar effaith ein darpariaeth dysgu proffesiynol. (2) Cynhyrchu a lledaenu gweithgarwch ysgolheigaidd o ansawdd uchel sy'n dogfennu ac yn rhannu agwedd adeiladu gwaddol DARPL.