Mae CCRC yn dathlu cymysgedd eclectig o aelodau ymchwil sy'n dod at ei gilydd i archwilio ymchwil arloesol ym maes deallusrwydd artiffisial (AI), rhyngweithio cyfrifiadurol dynol (HCI) a gwyddor data. Drwy harneisio'r meysydd hyn mewn ffyrdd arloesol a chreadigol, mae CCRC yn darparu atebion trawsnewidiol, ymchwil arloesol, a gwasanaethau ymgynghori arbenigol a all yrru newid ar draws ystod o ddiwydiannau - gan gynnwys peirianneg meddalwedd, addysg, busnes, gofal iechyd, a gemau cyfrifiadurol, ymhlith eraill.  

Mae CCRC wedi'i strwythuro i bum thema ymchwil allweddol. 

• Grŵp / Thema Gemau 

Mae'r thema hon yn archwilio gemau fel arteffactau diwylliannol, cymdeithasol a thechnolegol cymhleth. Mae'n archwilio sut mae gemau’n cael eu dylunio, eu datblygu, eu chwarae a'u deall, gan ystyried eu heffaith ar ymddygiad dynol, hunaniaeth a chymdeithas.

• Grŵp/Thema Technoleg Addysgol 

Mae'r thema hon yn canolbwyntio ar ddylunio, datblygu, gwerthuso, ac effaith technoleg mewn lleoliadau addysgol. Mae'n cwmpasu'r defnydd o dechnoleg i wella profiadau addysgol presennol a chreu offer arloesol ar gyfer ffurfiau newydd o ddysgu ac addysgu.

• Grŵp/Thema Peirianneg Meddalwedd a Deallusrwydd Artiffisial 

Mae'r thema hon yn archwilio croestoriad peirianneg meddalwedd a deallusrwydd artiffisial, gan ganolbwyntio ar sut y gall AI wella dylunio, datblygu, cynnal a chadw ac optimeiddio systemau meddalwedd.

• Grŵp / Thema Deallusrwydd Artiffisial a Data

Mae'r thema hon yn ymchwilio i’r modd y gall algorithmau AI datblygedig a dulliau sy'n cael eu gyrru gan ddata drawsnewid gwahanol ddiwydiannau ac ymchwil. Mae'r thema hon hefyd yn cynnwys ymchwil arloesol mewn cynhyrchiant taenlenni ac asesu risg.  

• Grŵp/Thema Iechyd a Thechnoleg 

Mae'r thema hon yn astudio'r berthynas ddeinamig rhwng iechyd a thechnoleg, gan ganolbwyntio ar sut y gall arloesiadau digidol wella darpariaeth gofal iechyd, canlyniadau cleifion, a lles corfforol a meddyliol cyffredinol.

Cyfleusterau: Mae gan CCRC labordy pwrpasol wedi'i gynllunio ar gyfer astudiaethau defnyddioldeb, hygyrchedd a chynhwysiant, yn ogystal â datblygiad arloesol. 

Cysylltu a Chydweithio: 
Ebost: [email protected]