Mae'r Grŵp Ymchwil Biobeirianneg, dan arweiniad Dr Barry L. Bentley, yn dîm ymchwil rhyngddisgyblaethol sy'n canolbwyntio ar hyrwyddo gwaith ymchwil biofeddygol drwy integreiddio egwyddorion peirianneg a dulliau systemau mewn meddygaeth a'r biowyddorau. 

Mae ein hymchwil yn rhychwantu sawl thema allweddol: 

(1) Delweddu Meddygol - Awtomeiddio dadansoddiad microsgopeg, pelydr-X, CT, MRI, a sganiau uwchsain i wella cywirdeb diagnostig a hyrwyddo ymchwil delweddu meddygol.

(2) Biobeirianneg Gymhwysol – Datblygu systemau ar gyfer biosynhwyro ac awtomeiddio, gan gynnwys technolegau i gadw celloedd, meinweoedd ac organau ar gyfer trawsblannu a meddygaeth adfywiol.

(3) Biobeirianneg gyfrifiadurol a Deallusrwydd Artiffisial - Datblygu modelau mathemategol, efelychiadau ac algorithmau cyfrifiadurol i ddeall systemau biolegol a chefnogi dylunio technolegau meddygol.

(4) Dulliau Gweithredu Systemau o ran Iechyd a Heneiddio – Cymhwyso dulliau systemau i bolisi biofeddygol a systemau gofal iechyd. Nod menter flaenllaw yn y maes ymchwil hwn, y Consortiwm Rhyngwladol i Ddosbarthu Patholegau sy'n Gysylltiedig ag Heneiddio (ICCARP), yw mireinio dosbarthiad a phennu camau clefydau sy'n gysylltiedig â heneiddio, gan ddarparu sylfaen ar gyfer gwell diagnosteg a therapïau wedi'u targedu, tra'n helpu i baratoi systemau gofal iechyd ar gyfer poblogaeth sy'n heneiddio.

Mae'r grŵp yn cydlynu rhwydwaith byd-eang a ariennir gan Gymru mewn partneriaeth â phrifysgolion blaenllaw yn India ac yn cynnal cydweithrediadau gweithredol gydag Uned Ymchwil Arennau Cymru, Ysbyty Athrofaol Cymru, Ysgol Feddygol Harvard, ac Ysbyty Cyffredinol Massachusetts. Mae hefyd yn gysylltiedig â Chanolfan Roboteg Eureka, gan integreiddio roboteg ac awtomeiddio mewn gwaith ymchwil biofeddygol. 

Cysylltu a Chydweithio: 

Rydyn ni’n croesawu cydweithio ac yn annog myfyrwyr ac interniaid i ymuno â ni i gyfrannu at ymchwil barhaus mewn biobeirianneg a bioleg gyfrifiadurol. 

Ebost: [email protected]