Proffil Ar-lein/Gwefan ar gyfer y Grŵp Ymchwil: Nod Grŵp Ymchwil APECS yw archwilio cymwysiadau seicoleg i addysg a'r gymuned. Ymhlith y meysydd o ddiddordeb arbennig mae: chwalu mythau a chamsyniadau ynghylch seicoleg yn y proffesiwn addysgu ac ymyriadau i gefnogi ymarferwyr addysg i deimlo'n hyderus wrth ddefnyddio a dysgu am seicoleg; ymyriadau hyfforddi a mentora ym maes addysg yng nghyd-destun theori seicoleg; hyrwyddo llesiant a gwytnwch mewn cyd-destunau addysgol a chymunedol gan ddefnyddio ymyriadau seicolegol; a chymhwyso seicoleg o fewn y gymuned, yn enwedig grwpiau awduron cymunedol a phrosiectau plismona cymunedol.

Mae ein grŵp rhyngddisgyblaethol yn cynnwys seicolegwyr, gydag arbenigeddau ar draws y maes; arbenigwyr ym maes addysg sydd â phrofiad ar bob lefel o ddarparu addysg yn ogystal â hyfforddiant athrawon ac ymarferwyr; arbenigwyr sydd â phrofiad mewn grwpiau awduron cymunedol a phlismona cymunedol. O fewn ein grŵp, rydym yn defnyddio dulliau meintiol ac ansoddol i archwilio effeithiolrwydd ymyriadau seicoleg mewn cyd-destunau addysgol a chymunedol.